فطيرة جد شهية
فطيرة معمرة بالدجاج لذيذة و سهلة
نقدم المقادير
للعحينة نحتاج
500 غ فرينة =5 اكيسان
كاس حليب او اكثر شوي على حساب الفرينه اذا كانت تشرب
2صفار بيض
100غ زبدة ذاىبة= 2/3 كاس
1م ك زيت
1.5م ك خل
1 م ص ملخ
1 خميرة حلويات
خلطي كلش مع بعض ومن بعد لمي بالحليب تتحصلي على عجينه متماسكه خليها ترتاح نصف ساعة انا صراحة خليتها ليله كاملة
جات تقول بات فويتي روعة
للحشو:
300غ صدر تاع الدجاج
1 فلفل اخضر حلو مفطع مكعبات+1 فلفل احمر اذا ما عندكش استبدليه بالاخضر
1 طماطم مقطعة قطع صغيرة
1 بصله مقطعة قطع صغيرة
150غ جبن من المستحسن البارميزان لانو عندو ذوق فور شوي او فرماج رابي
2 فص ثوم رلبي
3 مغارق زيت
في مقلاة حطي الزيت+الدجاج مقطع قليه يجي 6 دقايق +البصلة و الثوم فلي مليح+ فلفل+ الطماطم+فلفل لكحل+ملح
خليها علة نار هادىة ل10د و نخيها و خليها تبرد
من بعد قسمي العجين على 2
و حلي الاولى يسمك 3ملم و فرشيها في بلاتو مدهون
و حطي الحشو في النص و خلي مسافة شوي و رشي الفرماج
ومن بعد حلي الثانية و حطيها فوقها
و اعملي شرائط و رينيها كما في الصورة)ادهنيها ببياض البيض +الخل و ذري عليها الجلحلانية لا الكمون كيما حبتي.
و حطيها في الفور ل180 ل 1/2ساعة اللي ماحربهاش راحت علييه