طارط جلاسي بالفرومبواز
كنتمنى تعجبكم وتجربوها .
المقادير كالتالي البيسكوي ماضلين كنحتاجو 100غ سنيدة100غ بيض كامل اي مايعادل 2 بيضات 100غ دقيق 3غ خميرة كمياوية100غ زبدة دائبة قشور الحامض .طريقة تحضير الجينواز نطرب البيض وسنيدة وقبصة ملح حتى يتضاعف الحجم ديالو نضيف الدقيق والخمارة ونحرك من بعد نزيد زبدة مدوبة اللي حكيت معاها قشور الحامض نحرك ونصب الخليط فمول دائري يكون كيتحل .ندوزو لمقادير لاموس بالفرومبواز عندنا 250 غ كوليي فرومبواز 50غ سنيدة 4 اوراق جيلاتين 400غ كريم شانتيي نطلعوها نصف طلعة .ناخدو 250غ موليي فرومبوازنضيف عليهم سنيدة نحطهم فكاسرولا يسخنو ونكون رطبت 4 اوراق جيلاتين فالماء بارد مجرد مايسخن الخليط نصفي الجيلاتين ونضيفو فلكاسرولة نحرك ونصفي الخليط ديالي نخليه يبرد شوية من بعد نبدا نضيف الكريم شانتيي بشوية بشوية على كوليي لفرومبواز بعدما برد ونخلط بالفووي حتى يزيد يطلع الكريم من بعدما تكون البيسكوي طابت وبردات نخوي عليها الموس اللي وجدت ونخلها تلاجة تيرد وتتماسك وندوز نحضر الكلاصاج فكاسرولا نضع 200غ كوليي فرومبوازمع 50غ سنيدة نخليهم يسخنو ونكون مرطبا 3 اوراق جيلاتين نضيفهم ونحرك ونصفي الخليط نخليه يبرد شوية ونخرج الطارط ديالي من التلاجة ونصب الكلاصاج من لفوق نردو لتلاجة يبرد ومن بعد نزين حسب الرغبة ( كما يمكنكم تعوضو الفرومبواز بلفريز او أي فاكهة تفضلون )وبالصحة والراحة والمرجو منكم ترك اعجاب للمزيد من الوصفات 😚😚😚